ABŞ və SEPAH biri birinə raket zərbələri endiriblər

Gərginlik get-gedə artır

Oxuma müddəti:

1 dəqiqə

ABŞ İrandakı hədəflərə vurur, CENTCOM bildirir:

Hücumlar İranın "əsassız və davam edən təcavüzkar hərəkətlərinə" cavab olaraq həyata keçirilib.

Agentliyin açıqlamasında deyilir: "CENTCOM qüvvələri Ali Baş Komandanın rəhbərliyi altında 10 iyunda İrandakı bir neçə hədəfə əlavə zərbələr endiriblər".
CENTCOM-un məlumatına görə, hücumlar İranın rabitə, hava hücumundan müdafiə və kəşfiyyat sistemlərini hədəf alıb.

Öz növbəsində, SEPAH İordaniyadakı Əl-Əzraq hava bazasına uğurlu zərbələr endirildiyini və ABŞ qırıcı təyyarələrinin məhv edildiyini açıqladı.

"Tasnim" agentliyi SEPAH-a istinadən bildirib ki, "İİKK Aerokosmik Qüvvələri 12 ballistik raketdən istifadə edərək ABŞ-ın F-35, F-15 və F-16 qırıcı təyyarələrinin yerləşdirildiyi yerləri, eləcə də Əl-Əzraq hava bazası və Komandanlıq Mərkəzindəki əsas ABŞ hərbi obyektlərini vuraraq bu obyektləri və çox sayda qırıcı təyyarəni məhv edib".