ANS Press

ANS Press

İyul 16, 2024 - 16:47 Yeniləndi: İyul 16, 2024 - 16:48

XƏBƏRLƏR / Elm və Texnologiya

Alimlər Ayda mağara tapıblar

Yerin peykində məskən salmağa əlverişli baza yaratmaq üçün ideal yer ola bilər

Alimlər Ayda mağara tapıblar

  • Oxuma müddəti:

    1 dəqiqədən az

    • Alimlər Ayda ilk dəfə olaraq nəzəri cəhətdən Yerin peykində yaşayış üçün əlverişli baza yaratmaq üçün ideal yer ola biləcək mağara aşkar ediblər.

    İtalyan alimlərinin radardan istifadə edərək tapdıqları mağaranın dərinliyi ən azı 100 metrdir. Bununla belə, tədqiqatçılar bunun Ayın “hələ araşdırılmamış yeraltı dünyasında” gizlənən yüzlərlə oxşar mağaradan yalnız biri olduğunu irəli sürürlər.

    İtaliyanın Trento Universitetinin alimləri Lorenzo Bruzzone və Leonard Karrer mağaranı Sakitlik dənizi adlanan məşhur Ay bölgəsinin şəkillərini araşdırarkən aşkar ediblər. Bu Ay dənizini Yerdən adi gözlə görmək olar və məhz orada Apollon 11 missiyasının amerikalı astronavtları 1969-cu ildə tarixdə ilk dəfə eniş etmişlər.

    Mağaranın girişi Ay səthindədir və altında şaquli divarlar və maili daxili məkan var.