Alimlər Günəşin qəribə davranışı barədə məlumat veriblər

Rusiya Elmlər Akademiyasının Kosmik Tədqiqatlar İnstitutunun (IKI) Günəş Astronomiya Laboratoriyası özünün Telegram kanalında bildirib ki, hazırda Günəşin Yerə baxan tərəfində bir dənə də olsun günəş ləkəsi görünmür.
"Hal-hazırda hətta ən kiçik bir günəş ləkəsi belə müşahidə edilməyib <…>. Ulduz heç bir xüsusiyyəti olmayan mükəmməl bir diskdir", - deyə Telegram kanal bildirir

Alimlər izah ediblər ki, günəş ləkələri maqnit sahəsinin yığılmasından qaynaqlanır və adətən ulduzun səthində daim mövcuddur. Onların sayı və ölçüsü birbaşa günəş aktivliyinin səviyyəsini müəyyən edir, çünki maqnit sahələri günəş partlayışlarını gücləndirir.

Günəş ləkələrinin tamamilə olmaması minimal günəş aktivliyinin fazaları üçün tipikdir.
Bu, sonuncu dəfə 11 dekabr 2021-ci ildə müşahidə edilib.

Beləliklə, məlumatda qeyd olunur ki, Günəş dörd ildən çoxdur ki, tamamilə "boş" disk nümayiş etdirməyib. Mütəxəssislər Kiçik Buz dövrünün zirvəsi ilə üst-üstə düşən Maunder Minimumu (1645–1715) kimi aktivliyin uzun müddət azalmasına dair tarixi nümunələr gətiriblər.
Lakin tədqiqatçılar hazırkı azalmanın müvəqqəti olduğunu düşünürlər, çünki hazırkı dövrün zirvəsindən cəmi bir il yarım keçib.