ANS Press

ANS Press

Sep 15, 2026 - 12:31

XƏBƏRLƏR / Diplomatiya

Bayramov-Mirzoyan görüşü bu ay Nyu-Yorkda baş tutacaq

Görüş BMT Baş Assambleyasının 81-ci sessiyası çərçivəsində keçiriləcək

Bayramov-Mirzoyan görüşü bu ay Nyu-Yorkda baş tutacaq

  • Oxuma müddəti:

    1 dəqiqədən az

    • Ermənistanın xarici işlər və xarici ticarət naziri Ararat Mirzoyan Azərbaycanın xarici işlər naziri Ceyhun Bayramovla bu ay Nyu-Yorkda görüşəcək.

    Mirzoyan bu barədə “Azatutyun” radiosunun sualını cavablandırarkən bildirib.

    Onun sözlərinə görə, görüş BMT Baş Assambleyasının 81-ci sessiyası çərçivəsində keçiriləcək.

    BMT Baş Assambleyasının builki yüksək səviyyəli həftəsi sentyabrın 22-dən 28-dək Nyu-Yorkda baş tutacaq. Ümumi debatların əsas hissəsi sentyabrın 22–26-sı və 28-də keçiriləcək.

    Mirzoyan görüşün gündəliyi ilə bağlı əlavə məlumat verməyib.