Blinken Türkiyə də daxil olmaqla bir neçə ölkəyə səfər edir
Bu barədə Dövlət Departamenti məlumat yayıb
![Blinken Türkiyə də daxil olmaqla bir neçə ölkəyə səfər edir](/uploads/images/2024/01/rs/image_750x_659793d037465-750-1080-resize.webp)
ABŞ Dövlət katibi Antoni Blinken Türkiyə, Yunanıstan, Qətər, Birləşmiş Ərəb Əmirlikləri, Səudiyyə Ərəbistanı, İsrail, İordan çayının qərb sahili və Misirə səfər edəcək. Bu barədə Dövlət Departamenti məlumat yayıb.
Səfər 4-11 yanvar tarixlərini əhatə edəcək.
Görüşlər zamanı İordan çayının qərb sahili və Qəzzada mülki insanların təhlükəsizliyi əsas vurğulanacaq. Həmçinin regiondakı gərginliyi azaltmaq üçün mexanizimlərin işlək olması müzakirə ediləcək.
Dövlət katibi ABŞ-ın Yaxın Şərqdə sülh üçün lazım olan şərtləri müəyyən etmək üçün tərəfdaşlarla sıx işləməli olduğunu irəli sürəcək.