Bob Menendezin erməni arvadı da həbsə gedəcək

Menendez rüşvət aldığına görə Andlılar Məhkəməsi ona 11 il həbs cəzası verib

Oxuma müddəti:

1 dəqiqə

Azərbaycanofob senator Menendezin erməni arvadı həbsə gedəcək.

ABŞ-ın keçmiş demokrat senatoru Bob Menendezin arvadı Nadin Menendez (qızlıq soyadı Arslanyan) bazar ertəsi əri ilə sövdələşərək pul, külçə qızıl və dəbdəbəli avtomobil şəklində rüşvət almaqda təqsirli bilinib. CNN xəbər verir ki, rüşvət Nyu Cersi ştatında biznes əlaqələri və ya hüquqi problemlərlə bağlı yardım istəyən insanlardan alınıb.

Andlılar heyəti bütün maddələr üzrə təqsirli hökmü çıxarıb. Hökm, keçən il fərqli bir andlılar heyətinin əri Bob Menendezi mühakimə etdiyi Manhettendə eyni federal məhkəmədə çıxıb. Menendezin 11 illik həbs cəzasını bu ilin iyununda çəkməyə başlaması planlaşdırılır.

Nadin Menendezin hökmü, ərinin həbsxanaya getməsi gözləniləndən altı gün sonra, iyunun 12-nə təyin edilib.