BQXK 23 nəfəri Ermənistana apardı

Bu barədə BQXK-nın Azərbaycan ofisindən xəbər verilib

Oxuma müddəti:

1 dəqiqədən az

"Bu gün Beynəlxalq Qızıl Xaç Komitəsinin (BQXK) xətti ilə 23 nəfər erməni əsilli şəxs Laçın koridoru ilə keçərək Ermənistandakı ailələrinə təhvil verilib". Bu barədə ANS Press-ə BQXK-nın Azərbaycan ofisindən ictimaiyyətlə əlaqələr şöbəsinin rəhbəri İlahə Hüseynova deyib.

ANS Press-in Xankəndiyə hümanitar yardım və dava-dərman daşınmasında niyə ancaq BQXK-nin İrəvan ofisi iştirak edir, amma Bakı ofisi iştirak etmir? sualına cavab olaraq İ.Hüseynova qeyd edib ki, Qarabağın erməni sakinlərinin Ermənistandakı xəstəxanalara daşınması və onların dava-dərmanla təchiz olunması məsələsinə gəlincə, qarabağlı xəstə ermənilərin daşınmasında yalnız BQXK-nın Ermənistan ofisinin nəqliyyatından istifadə edilməsi məsələsi doğru deyil: "Biz beynəlxalq təşkilatıq. Hər hansı ofis gücü və imkanı çatdığını edir".