Əfqanıstanda qəzaya düşən təyyarədən 1,2 mln. USD oğurlanıb
Bu barədə “Həşt-e Subh” qəzeti məlumat yayıb
![Əfqanıstanda qəzaya düşən təyyarədən 1,2 mln. USD oğurlanıb](/uploads/images/2024/01/rs/image_750x_65b24382a02ee-750-1080-resize.webp)
Yanvarın 20-də Əfqanıstanın Bədəxşan əyalətində qəzaya uğrayan “Falcon 10” təyyarəsindən naməlum şəxslər təxminən 1,2 milyon dollar oğurlayıb.
Bu barədə "Həşt-e-Sübh" qəzeti bölgədəki mənbələrə istinadən məlumat yayıb.
Qəzetin mənbələri iddia edir ki, təyyarənin qəzaya uğradığı yerə ilk çatanlar Taliban silahlı qüvvələrinin Baş Qərargah rəisi Qari Fəsihəddin Fitrətin qohumu olub.
![](https://anspress.com/uploads/images/2024/01/image_750x_65b24e6eb0abb.jpg)
Xatırladaq ki, Tailanddan Rusiyaya uçan təyyarə sanitar missiya yerinə yetirib. Təyyarədə olan 6 nəfərdən 4-ü sağ qalıb, rusiyalı iş adamları Anna Yevsyukova və həyat yoldaşı Anatoli Yevsyukov ölüb.