ANS Press

ANS Press

Mart 19, 2024 - 13:23 Yeniləndi: Mart 19, 2024 - 13:34

XƏBƏRLƏR / Hadisə

Naxçıvanda ağır qəza: 3 ölü, 4 yaralı

Hadisə Şahbuzun Vayxır kəndi ərazisində qeydə alınıb

Naxçıvanda ağır qəza: 3 ölü, 4 yaralı

  • Oxuma müddəti:

    1 dəqiqədən az

    • Naxçıvan-Şahbuz magistralında ağır yol-nəqliyyat hadisəsi baş verib.

    Hadisə Vayxır kəndi ərazisində qeydə alınıb. Yağışlı havada "Niva" markalı avtomobillə "Hyundai-Santa fe" markalı avtomobil toqquşub. Nəticədə "Niva"da olan Əliyeva Zərifə İbrahim qızı, Əhmədov Məhəmməd Mehdixan oğlu və Əliyev Mütəllim Xanış oğlu ölüb. Əhmədov Pərvin Məhəmməd oğlu və "Hyundai"də olan sərnişinlər Mahmudov Qüdrət Mehdi oğlu, Mahmudov Qəşəm Əbülfəz oğlu və Mahmudov Seyfəli Mehdi oğlu ağır yaralanıb.

    Xəsarət alanlar Naxçıvan Mərkəzi Xəstəxanasının reanimasiya şöbəsinə yerləşdiriliblər.

    Faktla bağlı araşdırma aparılır.