ANS Press

ANS Press

Nov 4, 2026 - 14:26 Yeniləndi: Nov 4, 2026 - 15:24

XƏBƏRLƏR / Qonşular

"Ermənistan Azərbaycanla ikitərəfli ticarəti genişləndirir"

Bunu Ermənistanın Baş naziri Nikol Paşinyan Brüsseldə “Euronews”a müsahibəsində söyləyib

"Ermənistan Azərbaycanla ikitərəfli ticarəti genişləndirir"

  • Oxuma müddəti:

    1 dəqiqədən az

    • Ermənistan Gürcüstanla ənənəvi yaxşı münasibətlərini qoruyur, Azərbaycanla isə münasibətlərin inkişafı istiqamətində addımlar atır və ikitərəfli ticarəti genişləndirir.

    Bu sözləri Ermənistanın Baş naziri Nikol Paşinyan Brüsseldə “Euronews”a verdiyi müsahibəsində deyib.

    O, Cənubi Qafqazı ümumi maraqları, baxışları və strategiyaları olan vahid region kimi gördüklərini vurğulayıb.

    Ermənistanın Baş naziri regional infrastruktur və nəqliyyat bağlantılarının inkişafında TRIPP layihəsinin əhəmiyyətinə də diqqət çəkib. Paşinyan hesab edir ki, TRIPP layihəsi, o cümlədən Azərbaycan, Gürcüstan və Ermənistan arasında xüsusilə logistika sahəsində əməkdaşlıq Cənubi Qafqazın qlobal təchizat zəncirində rolunu gücləndirə və yeni imkanlar yarada bilər.