ANS Press

ANS Press

Apr 17, 2026 - 13:34 Yeniləndi: Apr 17, 2026 - 13:59

XƏBƏRLƏR / Qonşular

Ermənistanda yeni Konstitusiyanın mətni iyunda hazır olacaq

Bu barədə ədliyyə naziri Srbuhi Qalyan məlumat verib

Ermənistanda yeni Konstitusiyanın mətni iyunda hazır olacaq

  • Oxuma müddəti:

    1 dəqiqədən az

    • Ermənistanın müxalif "Hraparak" qəzeti Konstitusiya Məhkəməsindəki mənbələrə istinadən xəbər verir ki, Ermənistan hakimiyyəti seçkiqabağı dövrdə risklərdən qaçınmaq üçün yeni Konstitusiya layihəsinin dərcini təxirə sala bilər. Ədliyyə naziri Srbuhi Qalyan əvvəllər mətnin mart ayında hazır olacağını demişdi. Lakin sonradan Qalyan Konstitusiya mətninin 7 iyun tarixinə qədər hazır olacağını bildirmişdi.

    Qəzetin məlumatına görə, bu, Baş nazir Nikol Paşinyanın açıq şəkildə bildirdiyi kimi, yalnız Müstəqillik Bəyannaməsinə istinadların aradan qaldırılmasını deyil, həm də bir sıra digər dəyişiklikləri əhatə edir.

    Qəzet həmçinin bildirir ki, hakim Vətəndaş Müqaviləsi Partiyası parlamentdə konstitusiya çoxluğu olmadan belə konstitusiya qanunlarını qəbul etməyə imkan verəcək mexanizmlər hazırlayır.