“Etnik təmizləmə” ittihamı ermənilərin son sığınacağıdır

“Laçın dəhlizi”, “Humanitar fəlakət” və “Bakı ilə Qarabağ erməniləri arasında beynəlxalq dialoq formatı” mövzularında Ermənistana rəğbət bəsləyən ünsürlərin Azərbaycana qarşı böhtan kampaniyasının iflasa uğramasından sonra Ermənistan tərəfi və onların havadarlarının sonuncu tezisi qalıb: “Qarabağ ermənilərinin etnik təmizlənməsi”... 

Eyni zamanda, avropalılar və amerikalılar yenidən erməni mərkəzliliyindən ötüşməyə başlayıblar.

Bu belə görünür:

Ermənistan əsassız olaraq Azərbaycanın tərkibində Qarabağ ermənilərini etnik təmizləmənin gözlədiyini iddia edir. ABŞ/Aİ erməni "nağıl"ı ilə qəti şəkildə razılaşır və Azərbaycana qarşı tələblər irəli sürür, bəzi yerlərdə hətta hədələyirlər... təhdidlərin əsası erməni "nağıl"ıdır!

Azərbaycan bəyan edir ki, etnik təmizləmə aparmayıb və etmək niyyətində deyil... bəs siz bunu kimə deyirsiniz?! Artıq orada hər şey həll olunub... Azərbaycan dinc yolla reinteqrasiyanı həyata keçirəndə isə qərblilər bunu özlərinə həvalə edəcək, özlərinə mükafatlar, bonuslar yazacaqlar, çünki onlar "əmin" olacaqlar ki, "qaçılmaz Qarabağ ermənilərinin etnik təmizlənməsi”nə əngəl törədən onlardır. 

Niyə “etnik təmizləmə” ittihamı əsassızdır?!

  ⁃ 25 ildir ki, Azərbaycan ərazi bütövlüyünün bərpası, azərbaycanlıların işğal olunmuş ərazilərə qaytarılması və Qarabağ erməniləri ilə Azərbaycanın tərkibində birgə yaşamağa hazır olduğunu göstərmək məqsədi ilə səbirlə danışıqlarda iştirak edir!

  ⁃ 44 günlük müharibədən sonra “Yer”də müvafiq infrastruktura malik olmadığından Ermənistandan resurs təminatına göz yumaraq, ermənilərin Qarabağa qayıtmasına şərait yaradan Azərbaycan olmuşdur. Lakin 2021-ci ilin lap əvvəlindən bu müvəqqəti vəziyyətin uzun sürməyəcəyi və yavaş-yavaş, mərhələli reinteqrasiyaya başlanmalı olduğu bildirilirdi... Yəni Azərbaycan yalnız lazımi infrastruktur yaradıldıqdan sonra Ermənistandan Azərbaycana resurs verilməsi məsələsini qoydi. Və erməni əhalisinin Qarabağda qalması şüurlu qərar idi!

  ⁃ 2023-cü ilin sentyabrında baş verən hərbi tədbirlər də göstərdi ki, hədəf mülki şəxslər deyil, hərbi infrastrukturdur!

Yəni, Bakının “etnik təmizləmə” aparmaq imkanı var idi, lakin həyata keçirmədi. Çünki azərbaycanlılar Ermənistanın həyata keçirdiyi etnik təmizləmənin qurbanı olublar. Məhz Ermənistan azərbaycanlılara qarşı etnik təmizləmə aparan işğalçı ölkənin damğası ilə yaşayır.

ABŞ/Aİ Rusiya ilə birlikdə azərbaycanlılara qarşı etnik təmizləməyə göz yumdu və bunu onların vicdanına buraxmışıq.

Düzünü desəm, bütün bu müddət ərzində mən ABŞ, Rusiya və Aİ üçün etnik təmizləmənin normal bir təcrübə olduğunu düşünürdüm və onlar Ermənistandan nümunə götürərək bunu bacardıqca təşviq edirdilər. Özünüz mühakimə edin, azərbaycanlılara qarşı etnik təmizləmə faktı göz qabağındadır - BMT və digər beynəlxalq təşkilatlar tərəfindən təsdiqlənib. Cəza əvəzinə Ermənistana baxıldı, himayə olundu, bacardıqca dəstək verildi, 20 il ərzində Qarabağ ermənilərinə ermənilərin özlərinin basdırdıqları əraziləri minalardan təmizləmək üçün pul verildi...

İndi Bakı qısa müddətdə tərksilahı, Ermənistan silahlı qüvvələrinin qalıqlarının ərazidən çıxarılmasını, Qarabağda infrastruktur və humanitar məsələlərin həllini həyata keçirməlidir. ABŞ/Aİ bu proseslərdə kömək etmək əvəzinə təhdid edir...

Biz bundan da çıxacağıq... və sübut edəcəyik ki, azərbaycanlılar erməni deyillər!