ANSTV
ANSÇM
Girovların dəyişdirilməsi ancaq atəşkəsdən sonra baş tutacaq
Bunu HƏMAS-ın nümayəndəsi Üsama Həmdan “Əl Ərəbiyyə”yə müsahibəsində bildirib
1 dəqiqə
Fələstinli əsirlərlə girovların dəyişdirilməsi yalnız atəşkəs elan edildikdən sonra baş tutacaq.
Bu barədə HƏMAS-ın nümayəndəsi Üsama Həmdan “Əl Ərəbiyyə”yə müsahibəsində bildirib.
- Atəşkəs razılaşmasına baxmayaraq, İsrail tankları Qəzza şəhərinin cənubundakı Netzarim bölgəsində fələstinlilərə atəş açıb.
- Qeyd edək ki, atəşkəs hökumətin razılaşmanı təsdiqləməsindən sonra İsrail üçün qüvvəyə minəcək (KİV-in yazdığı kimi saat 13:00-da deyil).
Həmdan Trampın sülh planında nəzərdə tutulduğu kimi, ömürlük azadlıqdan məhrum edilmiş 250 məhbusun və müharibə başlayandan bəri həbs edilmiş 1700 fələstinlinin azad ediləcəyini bildirib.
Həmdan əlavə edib ki, saziş humanitar yardım daşıyan 600 yük maşınının gündəlik daxil olmasına icazə vermək üçün beş sərhəd keçidinin açılmasını nəzərdə tutur. Onun sözlərinə görə, paylama beynəlxalq təşkilatlar tərəfindən həyata keçiriləcək.
