Gürcüstanda sonuncu 20-ci türk hərbçisinin cəsədi tapılıb

Bunu Türkiyə Milli Müdafiə Nazirliyi bildirib

Oxuma müddəti:

1 dəqiqə

13:10

Gürcüstanda qəzaya uğrayan C-130 hərbi yük təyyarəsində həlak olan hərbçilərin nəşi bu gün Türkiyəyə gətiriləcək.

Bu bərədə TRT məlumat yayıb.

Xatırladaq ki, noyabrın 11-də Azərbaycandan Türkiyəyə istiqamətlənən Türkiyəyə məxsus C130 tipli hərbi nəqliyyat təyyarəsi Gürcüstan ərazisində qəzaya uğrayıb. Qəza nəticəsində təyyarədə olan 20 hərbçinin hamısı həyatını itirib. Təyyarə qəzasında şəhid olan hərbçilərin cənazələri axtarış-xilasetmə və qəza qruplarını Gürcüstana aparan A-400M təyyarəsi ilə Türkiyəyə gətiriləcək.

***

12:48

Azərbaycandan Türkiyəyə uçan və Gürcüstan-Azərbaycan sərhədi yaxınlığında qəzaya uğrayan C-130 hərbi nəqliyyat təyyarəsindəki sonuncu hərbçinin cəsədi tapılıb, - TRT Haber

Türkiyə Milli Müdafiə Nazirliyi bildirib: "Axtarış tədbirləri nəticəsində Azərbaycan-Gürcüstan sərhədində qəzaya uğrayan hərbi nəqliyyat təyyarəmizin qalıqları arasından 20-ci şəhidimizin cəsədi tapılıb".