ANS Press
ANSTV
ANSÇM
1 dəqiqə
Azərbaycan Prezidenti İlham Əliyev 2026-cı ilin may ayında Ermənistanda keçiriləcək Avropa Siyasi Birliyi sammitində iştirak etməyi planlaşdırmır.
Bu barədə "Caliber.az"-ın diplomatik mənbələrdən əldə etdiyi məlumatda bildirilib.
Qeyd edilib ki, ikitərəfli münasibətlərin hazırkı səviyyəsi Prezident İlham Əliyevin İrəvana səfərini real addım hesab etməyə imkan vermir:
"Azərbaycan real fəaliyyət prinsipinə sadiqdir. İmzalanmış müqavilə və praktik mexanizmlərin işə salınması olmadan yüksək səviyyəli səfər prosesin başa çatması barədə yanlış təəssürat yarada bilər. Hüquqi çərçivə yaradılana və öhdəliklər yerinə yetirilənə qədər bu cür addımlar vaxtından əvvəl olardı.
Gələcəkdə yüksək səviyyəli səfərlərin mümkünlüyü istisna edilmir. Əksinə, sülh müqaviləsinin imzalanmasından və tətbiqindən sonra bu, prosesin məntiqi davamı olacaq. Əvvəllər razılaşdırılmış öhdəliklərin yerinə yetirilməsi üçün indi praktik addımlar atılmalıdır ki, bu da sülhü yalnız de-fakto deyil, həm də de-yure möhkəmləndirəcək", - məqalədə deyilir.
