İran yenə Türkiyə ərazisinə balistik raket tuşladı FOTO

Ankara İranı regional təhlükəsizliyə təhdid yaradan hərəkətlərə qarşı xəbərdar edir.

Türkiyə Prezidentinin Kommunikasiya İdarəsinin rəhbəri Burhanəddin Duran İrandan atılan ballistik raketlə bağlı hadisədən sonra açıqlama verib.

O, Ankaranın vəziyyəti yaxından izlədiyini və artıq lazımi təhlükəsizlik tədbirlərini həyata keçirdiyini vurğulayıb. O, dövlət qurumlarının tam koordinasiyalı şəkildə hərəkət etdiyini və Türkiyənin hava məkanını və sərhədlərini qorumaq imkanlarının "ən yüksək səviyyədə" olduğunu bildirib.

Duran həmçinin bütün tərəfləri, xüsusən də İranı regional təhlükəsizliyə və mülki əhalinin təhlükəsizliyinə təhlükə yarada biləcək hərəkətlərdən çəkinməyə çağırıb. O, münaqişənin daha da şiddətlənməsinin və genişlənməsinin qarşısını almağın son dərəcə vacibliyini vurğulayıb.

***

Türkiyə İrandan atılan ballistik raketi zərərsizləşdirir

Türkiyə Müdafiə Nazirliyi İrandan atılan ballistik raketin Türkiyə hava məkanında zərərsizləşdirildiyini bildirib. Bir neçə qəlpə Qaziantepdəki boş əraziyə düşüb. Xəsarət alan olmayıb.

Nazirliyin açıqlamasında mehriban qonşuluq münasibətlərinin və regional sabitliyin qorunmasının vacibliyi vurğulanıb.

Ankara ərazi bütövlüyünün və hava məkanının təhlükəsizliyinə təhdid yaranarsa, onu qorumaq üçün bütün lazımi tədbirlərin görüləcəyi barədə xəbərdarlıq edib.