İranda silahlı şəxslər məhkəmə binasına hücum ediblər

Bu barədə İran mediası xəbər verir YENİLƏNİB

Oxuma müddəti:

1 dəqiqə

14:05

İranın Sistan-Bəlucistan əyalətinin Zahidan şəhərində məhkəmə binasına silahlı hücum nəticəsində ölənlərin sayı 6-ya çatıb.

Bundan başqa, 22 nəfərin yaralandığı bildirilir.

Həlak olan və yaralananların əksəriyyəti mülki şəxslərdir, onların arasında bir qadın və bir uşaq da var.

***

12:52

Zahidan şəhərində məhkəmə binasına edilən hücumda 5 nəfər ölüb, 13 nəfər yaralanıb.

Hücumu həyata keçirənlərdən üç nəfər zərərsizləşdirilib.

***

11:24

İranın Sistan-Bəlucistan vilayətinin Zahidan şəhərində yerləşən məhkəmə binasına hücum edən silahlı şəxslərdən 3-ü zərərsizləşdirilib.

Hücumçular əvvəlcə məhkəmə binasına, sonra isə ətrafdakı mülki insanlara hücum ediblər.

Mülki şəxslər arasında ölən və yaralananların olduğu bildirilsə də, onların dəqiq sayı haqqında hələlik məlumat verilməyib

***

10:24

Naməlum silahlı şəxslər İranın Sistan-Bəlucistan bölgəsinin Zahidan şəhərində yerləşən məhkəmə binasına hücum ediblər.

Bu barədə İran mediası xəbər verir.

Terror aktına görə məsuliyyəti “Ceyş əl-Zalm” terror qruplaşması öz üzərinə götürüb.