İranın keçmiş prezidentinə sui-qəsd cəhdi olub
Hadisə Mahmud Əhmədenejat və həyat yoldaşı Zəncana səfərə yola düşərkən baş verib
![İranın keçmiş prezidentinə sui-qəsd cəhdi olub](/uploads/images/2024/07/rs/image_750x_66a0eaa473119-750-1080-resize.webp)
İranın keçmiş prezident Mahmud Əhmədenejata qarşı sui-qəsd cəhdi baş tutmayıb.
Məlumatı İran mənbələri yayıb.
Bildirilib ki, hadisə 9 və 10-cu hökumətlərin başçısı Mahmud Əhmədenejat və həyat yoldaşı Zəncana səfərə yola düşərkən baş verib.
Məlumata görə, qaydalara əsasən, təhlükəsizlik xidmətinin başçısı adətən avtomobilin qabaq oturacağında oturub. Maşını yoxladıqdan sonra o, Mahmud Əhmədenejata başqa avtomobildə oturmasını məsləhət görüb. Kərəc-Qəzvin avtomobil yolunda “Toyota Land Cruiser” markalı avtomobilin sürücüsü idarəetməni itirib. Həmin maşında Əhmədenejat olmayıb. Orada keçmiş prezidenti müşayiət edən bir neçə şəxs olub.
Maşın yoldan çıxaraq üç dəfə aşıb və “Peugeot” avtomobili ilə toqquşub. Onun bir sərnişini yaralanıb.