İranla qeyri-sağlam vəziyyətin səbəbi nədədir?

İranla Azərbaycan arasında münasibətlərdə kifayət qədər qeyri-sağlam vəziyyət yaranıb. Və əvvəlki illərdə olduğu kimi, əsasən də bu dövlətin rəsmilərinin ağzından çıxan əsassız bəyanatları və təhdidləri ilə fəsadın təşəbbüskarı İran tərəfi olub.

Hesab edirəm ki, İranın bu cür aktivləşməsi Rusiyanın Cənubi Qafqaz regionunda resurslarının zəifləməsi və məhdudlaşdırılması ilə bağlıdır. Bu, Tehranın doldurmağa çalışdığı boşluğun yaranmasına gətirib çıxarıb. Lakin regionun üç ölkəsinin 30 illik müstəqillik dövründə İran nə siyasi-iqtisadi, nə humanitar, nə də hərbi baxımdan strateji resurs formalaşdıra bilib. Ona görə də tələsik şəkildə bölgədə çəkisini artırmaq üçün yöndəmsiz bir cəhdin şahidi oluruq.

Eyni zamanda qeyd edirəm ki, İranın aktivləşməsini təkcə Azərbaycanla deyil, Ermənistan və Gürcüstanla münasibətlərdə də izləmək olar”.

Yadınızdadırsa, bir neçə gün əvvəl qondarma Abxaziya və Cənubi Osetiyanın “xarici işlər nazirləri” İranın Moskvadakı səfirliyində olublar. Və bu addım geniş təbliğ olunmasa da, İranın regionda dağıdıcı təsirinin elementlərindən biridir. Bir tərəfdən “3+3” formatı təşəbbüsünü dəstəkləmək, digər tərəfdən isə Gürcüstan ərazisindəki separatçı birləşmələrin nümayəndələri ilə görüşmək mümkün deyil. Bu, İran diplomatiyasının bütün qeyri-səmimiliyidir.

“İran diplomatiyası”nın fəaliyyətinin nəticələri ona gətirib çıxarıb ki, bu dövlətin dünyanın digər ölkələrindəki terror təşkilatlarından başqa bir dənə də müttəfiqi, İranın qonşuluqda yaratdığı paralel orduları yoxdur. .

Belə bir şəraitdə Tehran başa düşməlidir ki, qonşu ölkələrdən birinə hücum olarsa, digər qonşular da biganə qalmayacaq. Tehranın vəziyyəti necə gərginləşdirməyə başladığının şahidi olduq və özü də bunu başa çatdırdı. Ona görə də İran ölkəmizlə bağlı informasiya siyasətinə yenidən baxarsa, o zaman Azərbaycan da müvafiq addımlar atacaq.