İsmayıllıda ağır yol qəzası baş verib YENİLƏNİB

Hərəkətdə olan minik avtomobili idarəetmədən çıxaraq aşıb

Oxuma müddəti:

1 dəqiqə

11:14

Ötən gün saat 22: 30 radələrində Qəbələ rayon sakini İlkin Abdullazadə idarə etdiyi "Mercedes" markalı nəqliyyat vasitəsilə Qaraməryəm- İsmayıllı-Şəki avtomobil yolunda hərəkətdə olarkən idarəetməni itirərək aşıb.

Baş Dövlət Yol Polisi İdarəsindən verilən xəbərə görə, yol kənarına düşən avtomobildə yanğın baş verib.

Qəza nəticəsində avtomobildə olan sərnişin - sürücünün həyat yoldaşı Münəvvər Abdullazadə hadisə yerində həyatını itirib.

Əraziyə DYP əməkdaşları cəlb olunub.

Faktla bağlı araşdırma aparılır.

***

01:33

İsmayıllıda ölümlə nəticələnən yol qəzası baş verib. Hadisə gecə saatlarında Qaraməryəm–İsmayıllı–Şəki avtomobil yolunun 40-cı kilometrliyində qeydə alınıb.

Hərəkətdə olan minik avtomobili idarəetmədən çıxaraq aşıb. Qəza nəticəsində sürücü, 33 yaşlı İlkin Abdullazadə xəsarət alıb, sərnişin, 31 yaşlı Münəvvər Abdullazadə isə həyatını itirib.