İsrail qırıcıları “Hizbullah”ın silah anbarlarını bombalayıb

Qırıcılar silahlıların hərbi obyektlərinə beş raket atıb

Oxuma müddəti:

1 dəqiqədən az

İsrail Hərbi Hava Qüvvələrinin qırıcıları Livanın cənubundakı Adlun bölgəsində “Hizbullah”ın silah anbarlarının yerləşdiyi əraziyə zərbələr endirib.

Bu barədə "Janoubia" xəbər portalı məlumat yayıb.

Qırıcılar silahlıların hərbi obyektlərinə beş raket atıb. Nəticədə, güclü yanğın baş verib. Sursatların partlaması isə səlahiyyətliləri təhlükəsizlik baxımından Sayda - Tir magistral yolunu iki saatlıq bağlamağa məcbur edib.

Yerli mülki müdafiə xidmətinin məlumatına görə, dörd mülki şəxs qəlpələrdən yaralanıb və xəstəxanaya aparılıb. “Hizbullah”ın üzvləri arasında itkilərin olması barədə məlumat verilmir.

Xatırladaq ki, İsrail Hərbi Hava Qüvvələrinə məxsus təyyarələr Yəmənin Hudeydə limanı yaxınlığındakı hərbi obyektlərə zərbələr endirib.