İstiqlalda prospektində küçə ticarəti qadağan olundu

Bu barədə “TRT Haber” məlumat yayıb

Oxuma müddəti:

1 dəqiqədən az

İstanbulda terror aktı baş verən İstiqlal küçəsində küçə ticarəti, sərgilər və tədbirlər qadağan olunub.

“TRT Haber”ə görə, bu barədə məlumatı İstanbul valisi Ali Yerlikaya açıqlayıb. Məlumatda bildirilir ki, təqribən 1400 metr uzunluğa malik sözügedən küçədə stol, stul, lövhə, səyyar tablolar qoymaq, stend, sərgi qurmaq, sosial, mədəni və yaxud kommersiya tədbirlərinin təşkili, kollektiv və yaxud fərdi çıxışlar və s. qadağan olunub.

Belə bir qərarın verilməsinə səbəb İstiqlal küçəsində təhlükəsizliyi və asayişi, eləcə də piyadaların hərəkətinin sürətləndirilməsini təmin etməkdir.

Xatırladaq ki, noyabrın 13-ü İstiqlal küçəsində baş verən terror aktında 6 nəfər həlak olub, daha 81 nəfər isə yaralanıb.