Kərim Vəliyev Qazaxıstana səfər edib

Bu barədə xəbəri Müdafiə Nazirliyi yayıb

Oxuma müddəti:

1 dəqiqədən az

Müdafiə nazirinin birinci müavini - Azərbaycan Ordusunun Baş Qərargah rəisi general-polkovnik Kərim Vəliyevin avqustun 23-də Qazaxıstana səfəri başlayıb.

Müdafiə Nazirliyindən verilən məlumata görə, səfər çərçivəsində Azərbaycan Ordusunun hərbi qulluqçularının iştirak etdiyi "Altın Kıran - 2024" ("Qızıl Qartal - 2024") birgə taktiki-xüsusi təliminin taktiki epizodu izləniləcək, eləcə də ölkələrimiz arasında hərbi, hərbi-texniki və hərbi-təhsil sahələrində əməkdaşlığın inkişaf perspektivləri müzakirə olunacaq.