Kolorado ştatında azərbaycanlılar diaspor təşkilatı yaradıb

Amerikanın Kolorado ştatında yerli azərbaycanlı icmasının ilk diaspor təşkilatı yaradılıb.

Bu barədə Diasporla İş üzrə Dövlət Komitəsindən məlumat verilib.

Kolorado Azərbaycan diasporu adlanan yeni təşkilat yerli azərbaycanlı icmasının Amerikanın ictimai həyatında iştirakını gücləndirmək, Azərbaycan dilini və mədəniyyətini təbliğ etmək məqsədi daşıyır.

Təşkilat həmçinin ABŞ-da yaşayan digər etnik qruplar, yerli icmalar və gənc nəsillə sıx əlaqələr qurmaq niyyətindədir.

Yeni qurumun təsisçisi və rəhbəri Nigar Şıxsəfiyeva Azərbaycanın diaspor fəaliyyətinin genişləndirilməsi və ölkənin ABŞ-da tanıdılması istiqamətində mühüm addımların atılacağını vurğulayıb.