ANS Press

ANS Press

Oct 30, 2023 - 15:48

XƏBƏRLƏR / Qonşular

Mahaçqala hava limanı fəaliyyətini bərpa etdi

Aeroport oktyabrın 30-da Moskva vaxtı ilə saat 14:00-dan başlayaraq təyyarələri qəbul edir və yola salır

Mahaçqala hava limanı fəaliyyətini bərpa etdi

  • Oxuma müddəti:

    1 dəqiqədən az

    • İğtişaşlar səbəbindən bağlanan Mahaçqala hava limanı fəaliyyətini bərpa edib.

    Bu barədə Rusiya Federal Hava Nəqliyyatı Agentliyi məlumat yayıb.

    Aeroport oktyabrın 30-da Moskva vaxtı ilə saat 14:00-dan başlayaraq təyyarələri qəbul edir və yola salır.

    Bununla belə, “Azimut” və “Red Wings” aviaşirkətlərinin Tel-Əvivdən Mineralnıye Vodı və Mahaçqalaya uçuşları müvəqqəti olaraq Rusiyanın digər şəhərlərinə istiqamətləndiriləcək.

    Daha əvvəl Mahaçqaladan Qroznıya uçuşların köçürüldüyünü elan edən "Aeroflot" reyslərin Dağıstandakı hava limanına və oradan yerinə yetiriləcəyini açıqlayıb. Şirkətdən bildirilib ki, söhbət Moskva-Mahaçqala marşrutu üzrə SU1056/1057 və SU1058/1059 və sonrakı reyslərdən gedir.