Mahaçqala və Dərbənddə antiterror əməliyyatı başa çatıb
Milli Antiterror Komitəsi məlumat yayıb
![Mahaçqala və Dərbənddə antiterror əməliyyatı başa çatıb](/uploads/images/2024/06/rs/image_750x_6679174235bab-750-1080-resize.webp)
Dağıstan Respublikasının Mahaçqala və Dərbənd şəhərlərində antiterror əməliyyatı başa çatıb.
Bu barədə Milli Antiterror Komitəsi məlumat yayıb.
Qeyd edək ki, vətəndaşların təhlükəsizliyini təmin etmək, terror cinayətlərinin qarşısını almaq və silahlı hücumda iştirak edən şəxslərin zərərsizləşdirilməsi üçün Rusiya FSB-nin Dağıstan üzrə departamenti antiterror əməliyyatı keçirib. Mahaçqala və Dərbənd şəhərlərinin inzibati sərhədləri daxilində antiterror əməliyyatının hüquqi rejimi bu gün saat 08:15-də ləğv edilib.
Bazar günü Dərbənd və Mahaçqalada silahlı şəxslər pravoslav kilsəsinə, sinaqoqa və yol polisi postuna hücum ediblər.
![](https://anspress.com/uploads/images/2024/06/image_750x_667917c59cc3c.jpg)
Son məlumatlara görə, 15-dən çox polis əməkdaşı, həmçinin bir neçə mülki şəxs, o cümlədən Rus Pravoslav Kilsəsinin keşişi terror aktlarının qurbanı olub. Həmçinin ikisi Dərbənddə, üçü isə Mahaçqalada olmaqla beş terrorçu zərərsizləşdirilib: