Pakistanda məsciddə dəhşətli terror aktı, 31 nəfər ölüb FOTO

İŞİD Pakistan Məscidindəki partlayışa görə məsuliyyəti üzərinə götürdü

Oxuma müddəti:

2 dəqiqə

09:56
İŞİD Pakistan Məscidindəki Bombalanmaya görə Məsuliyyəti Öz üzərinə götürdü

İŞİD 2008-ci ildən bəri Pakistanın paytaxtı İslamabadda baş verən ən ölümcül hücuma görə məsuliyyəti öz üzərinə götürüb. "Şəhidlik niyyətində olan şəxs məscidin daxili qapısına çatdıqdan sonra partlayıcı kəmərini şiə icmasının ortasında partladıb və çoxsaylı ölüm və yaralanmalara səbəb olub", - terror təşkilatı cihadçı təşkilatları izləyən SITE Kəşfiyyat Qrupu tərəfindən dərc edilən açıqlamada bildirib.

Pakistanın Müdafiə Naziri Asif intiharçı terrorçunun Əfqanıstana səyahət etmə tarixçəsinin olduğunu bildirib və Hindistanı hücumu maliyyələşdirməkdə günahlandırıb. Hindistan da öz növbəsində hücumu pisləyərkən ittihamları "əsassız" adlandırıb.

***
2026.02.06 16:40

Pakistanın xarici işlər naziri İshaq Dar bildirib ki, İslamabadda məscidə hücumu intiharçı-terrorçu həyata keçirib.

***

15:54

Azərbaycan XİN Pakistana başsağlığı verib.

Bu barədə XİN-in sosial şəbəkə hesabında bildirilib.

“Biz İslamabadda məsciddə baş verən və çox sayda insan tələfatı ilə nəticələnən faciəvi terror aktı ilə bağlı Pakistan İslam Respublikasının xalqına və hökumətinə dərin hüznlə başsağlığı veririk. Biz müqəddəs məkanda ibadət edən insanları hədəfə alan bu çirkin terrorçuluq və zorakılıq aktını şiddətlə qınayırıq. Qurbanlar və onların ailələri üçün dua edir və yaralananlara tezliklə şəfa arzulayırıq. Azərbaycan qardaş Pakistanla həmrəydir. Azərbaycan sülh və stabilliyə, eləcə də terrorçuluğun bütün formalarına qarşı mübarizəyə dəstəyini bir daha vurğulayır”, - başsağlığında deyilir.

Qeyd edək ki, bu gün Pakistanın paytaxtı İslamabadda cümə namazı zamanı baş vermiş partlayış nəticəsində ən azı 31 nəfər ölüb, 169 nəfər yaralanıb.

***

15:00

Pakistanın paytaxtı İslamabadda baş vermiş partlayış nəticəsində ən azı 31 nəfər ölüb.

"Dawn" nəşri xəbər verir ki, partlayış nəticəsində 169 nəfər yaralanıb.

***

14:32

Pakistanın paytaxtı İslamabadda məsciddə baş verən partlayış nəticəsində 15 nəfər ölüb, təxminən 80 nəfər yaralanıb. Bu barədə "Əl-Cəzirə" təcili yardım xidmətlərinə istinadən məlumat verir.