"Paris-2024": Parataekvondoçumuz bürünc medal qazandı

Sabir Zeynalov 1/4 finalda yaponiyalı Mitsuya Tanaka ilə qarşılaşıb

Oxuma müddəti:

1 dəqiqədən az

Azərbaycan parataekvondoçusu Sabir Zeynalov “Paris-2024” Yay Paralimpiya Oyunlarında bürünc medal qazanıb.

K44 kateqoriyası üzrə 58 kiloqram çəki dərəcəsində çıxış edən idmançı üçüncü yer uğrunda görüşdə tailandlı Thanva Kaenxamı sınağa çəkib.

Rəqibinə 12:3 hesabı ilə qalib gələn S.Zeynalov fəxri kürsünün üçüncü pilləsinə qalxıb.

Bununla da Azərbaycan Paris Paralimpiadasında ilk medalını əldə edib.

Qeyd edək ki, yarışa sentyabrın 8-də yekun vurulacaq.

***

17:04

Azərbaycan parataekvondoçusu Sabir Zeynalov “Paris-2024” Yay Paralimpiya Oyunlarında ilk görüşünü keçirib.

K44 kateqoriyası üzrə 58 kiloqram çəki dərəcəsində çıxış edən idmançı 1/4 finalda yaponiyalı Mitsuya Tanaka ilə qarşılaşıb.

Rəqibinə qalib gələn idmançımız yarımfinala vəsiqə qazanıb.

Qeyd edək ki, yarışa sentyabrın 8-də yekun vurulacaq.