Premyer Liqada XIV turun daha iki oyunu keçirilib

20:55

"Neftçi" Misli Premyer Liqasının XIV turunda qalib gəlib.

Paytaxt təmsilçisi "Neftçi Arena"da baş tutan qarşılaşmada "Zirə" üzərində 2:1 hesablı qələbə qazanıb.

Hesabı meydan sahiblərindən 28-ci dəqiqədə Filip Ozobiç açıb. İssa Cibrila 51-ci dəqiqədə "status-kvo"nu bərpa edib. 68-cı dəqiqədə adını tabloya yazdıran Emil Səfərov isə "Neftçi"nin qələbə qoluna imza atıb.

Qeyd edək ki, Samir Abasovun rəhbərlik etdiyi kollektiv bu qələbə sayəsində xallarının sayını 13-ə çatdırıb. "Zirə"nin isə 20 xalı var.

***

18:56

"Qarabağ" Misli Premyer Liqasında növbəti qələbəsini qazanıb.

Ağdam təmsilçisi XIV turda "Səbail"i məğlub edib - 3:0.

47-ci dəqiqədə Olavio Juninyo fərqlənib. 66-cı dəqiqədə Aleksey Kaşuk ikinci qolu vurub. 88-ci dəqiqədə Leandro Andrade görüşdə son nöqtəni qoyub.

Lider "Qarabağ" xallarının sayını 34-ə çatdırıb. "Dənizçilər" isə 8 xalla 9-cu sıradadır.

Günün ikinci matçında "Neftçi" "Zirə"ni qəbul edəcək.

Qeyd edək ki, ötən gün "Araz-Naxçıvan" "Kəpəz"i iki cavabsız qolla üstələyib. Tura noyabrın 24-də yekun vurulacaq.

***

09:12

Bu gün Misli Premyer Liqasında XIV turun daha iki oyunu keçiriləcək.

Günün ilk matçında "Səbail" turnir cədvəlinin lideri "Qarabağ"ı qəbul edəcək.

“ASCO Arena”da baş tutacaq görüşün start fiti saat 17:00-da səslənəcək.

Digər qarşılaşmada isə "Neftçi" "Zirə" ilə münasibətlərinə aydınlıq gətirəcək. "Neftçi Arena"da reallaşacaq matç saat 19:00-da başlayacaq.

Misli Premyer Liqası

II dövrə, XIV tur

23 noyabr

17:00. “Səbail” – “Qarabağ”
Hakimlər: Nicat İsmayıllı, Zöhrab Abbasov, Cəmil Quliyev, Əkbər Əhmədov.
VAR: Əliyar Ağayev.
AVAR: Zeynal Zeynalov.
Hakim-inspektor: Anar Salmanov.
AFFA nümayəndəsi: Asif Əliyev.
“ASCO Arena”

19:00. “Neftçi” – “Zirə”
Hakimlər: Kamal Umudlu, Namiq Hüseynov, Vüsal Məmmədov, Əli Əliyev.
VAR: İnqilab Məmmədov.
AVAR: Rəvan Həmzəzadə.
Hakim-inspektor: Babək Quliyev.
AFFA nümayəndəsi: Zümrüd Ağayeva.
“Neftçi Arena”

Qeyd edək ki, turun açılış oyununda "Araz-Naxçıvan" "Kəpəz"i 2:0 hesabı ilə məğlub edib.