ANS Press

ANS Press

Nov 27, 2023 - 15:00 Yeniləndi: Nov 27, 2023 - 15:01

XƏBƏRLƏR / İdman

"Qarabağ"ın Norveçdəki oyundan əvvəl son məşqi Bakıda olacaq

Bu barədə "Qarabağ"ın rəsmi saytı xəbər verir

"Qarabağ"ın Norveçdəki oyundan əvvəl son məşqi Bakıda olacaq

  • Oxuma müddəti:

    1 dəqiqədən az

    • "Qarabağ"ın Norveçdə "Molde"yə qarşı keçirəcəyi UEFA Avropa Liqasının qrup mərhələsinin V turunun oyunundan əvvəl son məşqi Bakıda baş tutacaq.

    "Köhlən atlar"ın rəsmi saytı xəbər verir ki, noyabrın 28-də, saat 18:30-da "Azərsun Arena"da gerçəkləşəcək hazırlıq prosesinin ilk 15 dəqiqəsi media üçün açıq olacaq.

    Baş məşqçi Qurban Qurbanovun iştirakı ilə təşkil olunacaq mətbuat konfransı Norveçdə reallaşacaq. Noyabrın 29-na planlaşdırılan tədbir yerli vaxtla saat 19:00-da (Bakı vaxtı ilə saat 22:00-da) başlayacaq.

    Qeyd edək ki, noyabrın 30-da keçiriləcək “Molde” – “Qarabağ” oyunu Bakı vaxtı ilə saat 00:00-da başlayacaq. Hazırda hər iki komandanın hesabında 6 xal var. İkinci yer uğrunda mübarizədə həlledici qarşılaşmadan öncə “Qarabağ” 2-ci, “Molde” isə 3-cü pillədə qərarlaşıb.