Rusiya Azərbaycanla mədəni əlaqələri gücləndirmək istəyir

Rusiya Xarici İşlər Nazirliyi Rusiya ilə Azərbaycan arasında mədəni və humanitar əlaqələrin son zamanlar zəiflədiyini və indi gücləndirilməli olduğunu bildirib.

Rusiya Xarici İşlər Nazirliyinin MDB ölkələri üzrə Dördüncü Departamentinin direktoru Mixail Kalugin bunu TASS-a verdiyi müsahibədə bildirib.

Onun sözlərinə görə, sıx mədəni və humanitar əlaqələr olmadan tam hüquqlu ikitərəfli əməkdaşlıq mümkün deyil.

Kalugin qeyd edib ki, "Təəssüf ki, son zamanlar zəifləyənlər bunlar olub və indi onları gücləndirməyin vaxtıdır".

Rusiya Xarici İşlər Nazirliyi həmçinin bu sahədə perspektivli layihələrə də diqqət çəkib. Bunlara Sankt-Peterburq Dövlət Universiteti ilə Azərbaycanda birgə universitetin yaradılması, eləcə də iki ölkənin Moskva və Bakıdakı səfirliklərində məktəblərin açılması daxildir.

Kalugin əlavə edib ki, "2025-ci il iyunun 30-dan iyulun 1-dək Azərbaycanda həbs edilən 11 Rusiya vətəndaşının azadlığa buraxılması mütləq prioritet olaraq qalır. Rusiyanın Bakıdakı səfirliyi həm onlarla, həm də qohumları ilə sıx əlaqə saxlayır. Biz bu məsələni Azərbaycanlı tərəfdaşlarımızla ikitərəfli əlaqələrdə mütəmadi olaraq qaldırırıq. Bu məsələnin tez bir zamanda həlli ölkələrimiz arasında mehriban qonşuluq münasibətlərinin daha da möhkəmləndirilməsi istiqamətində mühüm addım olardı".

Qeyd edək ki, Kalugin müsahibəsində Ermənistanın daxili və xarici siyasətini kəskin tənqid edib.