Rusiya xarici işlər nazirliyi İranla əməkdaşlıq barədə

Bu barədə XİN-nin rəsmi nümayəndəsi Mariya Zaxarova danışıb

Oxuma müddəti:

1 dəqiqədən az

Xarici təzyiq və sanksiyalar Moskva ilə Tehran arasında əməkdaşlığa mane olmur.

Bu barədə Rusiya Xarici İşlər Nazirliyinin rəsmi nümayəndəsi Mariya Zaxarovanın şərhində deyilir.

Fransa prezidenti Emmanuel Makronun Tehranın Moskvaya dəstəyinin İrana qarşı sanksiyalara və təcridin artmasına səbəb ola biləcəyi ilə bağlı bəyanatını şərh edən diplomat, Rusiya və İranın “Qərblilərin fikrini nəzərə almadan qarşılıqlı faydalı əməkdaşlıq qurduğuna” işarə edib.

“Xarici təzyiqlər və sanksiyalar buna mane olmur. Əksinə, qeyri-qanuni məhdudiyyətlər qismən hətta Rusiya-İran ticarətinin artması baxımından əvvəlki illərdə yaranmış müsbət tendensiyaların güclənməsinə kömək edir”, - Zaxarova bildirib.