Türkiyə çempionatında hakim döyüldü

Türkiyədə futbol matçından sonra hakim Halil Umut Melərin döyülməsinə görə bütün oyunlar qeyri-müəyyən vaxtadək təxirə salınıb.

Bu barədə Türkiyə Futbol Federasiyasının prezidenti Mehmet Büyükekşi bildirib.

"Hörmətli hakimimiz Halil Umut Melərə belə hücum edilməsi bizi çox kədərləndirdi. Buna səbəb olan klublar və menecerlər: Biz nə etdik? Bu hücumu qınayır və lənətləyirik. Ümid edirik ki, qanun qarşısında cavab verəcəklər. Ümid edirik ki, ədalət yerini tapacaq", - deyə TFF prezidenti bildirib.

Mehmet Büyükekşi deyib ki, bu xain hücum təkcə hakimə deyil, bütün türk futboluna qarşı edilən hərəkətdir.

"Hakimləri hədəf alan hər kəs bu cinayətin ortağıdır. Klub və onun idarəçiləri ən ağır şəkildə cəzalandırılacaq", - deyə o qeyd edib.

Türkiyə Prezidenti Rəcəb Tayyib Ərdoğan, "Bu axşam oynanılan MKE Ankaragücü - Çaykur Rizespor matçından sonra hakim Halil Umut Melərə edilən hücumu qınayır, ona tezliklə sağalmasını arzulayıram. İdman sülh və qardaşlıq deməkdir. İdman zorakılıqla bir araya sığmır. Türk idmanında şiddətin olmasına heç vaxt icazə verməyəcəyik” deyib. 

Qeyd edək ki, “Ankaragücü” – “Rizəspor” qarşılaşması 1:1 hesabı ilə yekunlaşıb.

Son məlumata görə, Türkiyənin “Ankaragücü” klubunun prezidenti Faruk Koca saxlanılıb.