Türkiyədə dəhşətli avtobus qəzası, 7 ölü, 33 yaralı FOTO

Sərnişin avtobusu sürücünün idarəetməni itirməsi nəticəsində aşıb YENİLƏNİB

Oxuma müddəti:

1 dəqiqə

11:38

Türkiyədə 2 sürücü, 1 bələdçi və 41 sərnişinin olduğu tur avtobusu yoldan çıxaraq aşıb.

Qəzada 7 nəfər ölüb, 33 nəfər yaralanıb, onlardan ikisinin vəziyyəti ağırdır..

Hadisə yerinə çoxlu sayda təcili yardım, polis və yanğınsöndürmə briqadaları göndərilib.

***

10:45

Aksaray-Ankara avtomobil yolunun Acıpınar kəndinin girişində avtobus idarəetməni itirərək aşıb. İlkin məlumata görə, qəza nəticəsində 6 nəfər ölüb, 20 nəfər yaralanıb.

Qəza səhər saat 07:00 radələrində Aksaray-Ankara avtomobil yolunun Acıpınar kəndinin girişində baş verib. Balıkəsirdən Nevşehirə gedən, nömrəsi və sürücüsü hələ müəyyən edilməyən sərnişin avtobusu sürücünün idarəetməni itirməsi nəticəsində aşıb.

İlkin məlumata görə, qəza nəticəsində 6 nəfər ölüb, çoxlu sayda insan yaralanıb. Qəza yerinə çoxlu sayda polis, təcili yardım və xilasetmə qrupları sövq edilib.