Vladimir Putin İlham Əliyevə zəng edib

14:13

Noyabrın 15-də Rusiya Federasiyasının Prezidenti Vladimir Putin Azərbaycan Respublikasının Prezidenti İlham Əliyevə zəng edib.

Telefon danışığı əsnasında dövlət başçıları Rusiya Federasiyasının Prezidenti Vladimir Putinin bu ilin avqustunda Azərbaycana dövlət səfəri zamanı əldə edilmiş razılaşmaları, həmçinin Rusiyanın Baş naziri Mixail Mişustinin bu günlərdə Bakıya səfəri zamanı təmaslarını nəzərə alaraq, sənaye və nəqliyyat sahələrində qarşılıqlı faydalı layihələrin praktiki olaraq həyata keçirilməsi məsələlərini müzakirə ediblər.

Tərəflər Azərbaycan-Rusiya strateji tərəfdaşlıq və müttəfiqlik əlaqələrinin hərtərəfli inkişafının davam etdirilməsinə dair qarşılıqlı maraqlarını bir daha ifadə ediblər.

Müzakirə olunan məsələlərin icrası məqsədilə müxtəlif səviyyələrdə təmasların davam etdirilməsi razılaşdırılıb.

***

13:34

Kremlin.ru saytı xəbər verir ki, Rusiya Prezidenti Vladimir Putin Azərbaycan lideri İlham Əliyevə zəng edib.

Vladimir Putinin 2024-cü ilin avqustunda Azərbaycana dövlət səfəri zamanı əldə olunmuş razılaşmalar kontekstində, o cümlədən Rusiya Federasiyası Hökumətinin Sədri Mixail Mişustin ilə Bakıda son təmaslar nəzərə alınmaqla, bir sıra layihələrin praktiki həyata keçirilməsi məsələləri. sənaye kooperasiyası və nəqliyyat sahəsində qarşılıqlı faydalı layihələr nəzərdən keçirilib. Rusiya-Azərbaycan strateji tərəfdaşlıq və müttəfiqliyin gələcək hərtərəfli inkişafında qarşılıqlı maraq təsdiq edilib.

Müxtəlif səviyyələrdə təmasların davam etdirilməsi razılaşdırılıb.