ANSTV
ANSÇM
Xalq artisti Ramiz Quliyev vəfat edib YENİLƏNİB
Bu barədə tarzənin oğlu Əyyub Quliyev məlumat verib
1 dəqiqədən az
15:25
Xalq artisti Ramiz Quliyev ilə vida mərasimi 16 oktyabr tarixində saat 11:00-13:00-da Beynəlxalq Muğam Mərkəzində keçiriləcək. Mərhum II Fəxri Xiyabanda dəfn olunacaq.
Bu barədə Mədəniyyət Nazirliyindən məlumat verilib.
***
10:09
Xalq artisti Ramiz Quliyev vəfat edib.
Bu barədə ustad tarzənin oğlu Əyyub Quliyev məlumat verib.
Xatırladaq ki, Xalq artisti səhhətinin pisləşməsi ilə əlaqədar sentyabrın 29-da Mərkəzi Gömrük Hospitalına yerləşdirilmişdi.
Ramiz Quliyev 1947-ci il aprelin 30-da Ağdamda anadan olub. 1954-cü ildə Ağdam şəhər 7 illik musiqi məktəbinə, 1960-cı ildə Üzeyir Hacıbəyov adına Ağdam orta ixtisas musiqi məktəbinə daxil olub. 1964–1969-cu illərdə Ü.Hacıbəyov adına Azərbaycan Dövlət Konservatoriyasında tar və dirijorluq ixtisasları üzrə təhsil alıb.
1988-ci ildə Xalq artisti fəxri adına layiq görülüb.
O, 2007-ci ildə "Şöhrət", 2017-ci ildə isə "Şərəf" ordeni ilə təltif olunub.
