ANS Press

ANS Press

Apr 18, 2024 - 09:14 Yeniləndi: Apr 18, 2024 - 10:04

XƏBƏRLƏR / Siyasət

ABŞ sülhməramlıların Qarabağdan çıxmasından narazıdır?

Dövlət department: "Bu, Rusiyanın etibarsız müttəfiq olduğunun göstəricisidir"

ABŞ sülhməramlıların Qarabağdan çıxmasından narazıdır?

  • Oxuma müddəti:

    1 dəqiqə

    • ABŞ Dövlət Departamentinin sözçüsü Vedant Patel Rusiya sülhməramlı kontingentinin Qarabağdan çıxarılmasını şərh edərək qeyd edib ki, bu, Rusiyanın etibarsız müttəfiq olduğunun göstəricisidir.

    V.Patel ABŞ-ın 2020-ci ildə Qarabağda döyüşlərin başa çatması və Rusiya qoşunlarının bölgəyə gətirildiyi üçtərəfli sazişin tərəfi olmadığını qeyd edib.

    “Biz Rusiya ordusunun daha dinc və sabit Cənubi Qafqaz regionuna sərmayə qoyduğunu göstərən heç bir şey görmədik və ötən payızda Qarabağda baş verən hadisələr bunun göstəricisidir. Bu, Rusiyanın etibarlı müttəfiq və ya tərəfdaş olmadığının başqa bir nümunəsidir”.

    O əlavə edib ki, ABŞ Ermənistan və Azərbaycanın sülhə nail olmaq səylərini qətiyyətlə dəstəkləyir və bu prosesin asanlaşdırılmasına kömək etməyə hazırdır.