Azərbaycan Prezidenti Çin Sədrinə başsağlığı verib

Prezidentin Mətbuat Xidməti xəbər verir

Oxuma müddəti:

1 dəqiqədən az

Azərbaycan Prezidenti İlham Əliyev Çin Sədri Si Cinpinə başsağlığı məktubu göndərib.

Məlumata görə, məktubda deyilir:

"Hörmətli cənab Sədr,

Sidzan Muxtar Rayonunun Şiqatse şəhərində baş vermiş güclü zəlzələ nəticəsində çoxsaylı insan tələfatı və dağıntılar barədə xəbər bizi son dərəcə kədərləndirdi.

Bu faciə ilə əlaqədar Sizə, həlak olanların ailələrinə və yaxınlarına, dost Çin xalqına öz adımdan və Azərbaycan xalqı adından dərin hüznlə başsağlığı verir, xəsarət alanlara şəfa diləyir, təbii fəlakətin nəticələrinin tezliklə aradan qaldırılmasını arzulayıram".