Basketbolçu qızlarımız Ermənistan yığmasına qalib gəldi
16 yaşınadək qızlar arasında Avropa çempionatının seçmə mərhələsi Cəbəllütariq şəhərində keçirilir
![Basketbolçu qızlarımız Ermənistan yığmasına qalib gəldi](/uploads/images/2024/07/rs/image_750x_668d2bf499a49-750-1080-resize.webp)
Azərbaycanın gənclərdən ibarət yığması (16 yaşadək) Avropa çempionatının C divizionunda çıxışlarına başlayıb. İlk görüş Ermənistan millisi ilə olub.
Qızlarımız 86:59 hesabla ermənilər üzərində əzmli qələbə çalıblar.
FIBA U16 EuroBasket, Division C turniri 16 yaşlı qızlar arasında keçirilən yarışdır.
Yarış iyulun 9-dan 14-dək Cəbəllütariq şəhərində keçirilir.
C divizionunun titulu uğrunda cəmi səkkiz komanda mübarizə aparacaq. Onlar dörd komandadan ibarət iki qrupa bölünüblər. Qrup mərhələsi aşağıdakı kimidir:
A qrupu: Gürcüstan, Ermənistan, Azərbaycan, Kipr
B qrupu: Malta, Moldova, Cəbəllütariq, Albaniya
Qrup mərhələsi üç gün ərzində baş tutacaq və iyulun 12-də istirahət günü, yarış iyulun 13-də Yarımfinala keçəcək. Final iyulun 14-də başlayacaq və son Təsnifat Oyunları da səkkiz mövqenin hər birini müəyyən edəcək.