Çempionlar Liqası: “Sabah” “Hapoel”ə qalib gəldi

23:30

"Sabah" komandası UEFA Çempionlar Liqasında əsas mərhələyə vəsiqə qazanıb.

Ölkə çempionu pley-off mərhələsinin cavab oyununda İsrailin "Hapoel" (Beer-Şeva) kollektivini qəbul edib.

Tofiq Bəhramov adına Respublika stadionundakı qarşılaşmanın əsas vaxtı Azərbaycan təmsilçisinin qələbəsi ilə bitib - 3:2

Qonaqların heyətində 10-cu dəqiqədə İqor Zlatanoviç, 61-ci dəqiqədə Qay Mizrahi fərqlənib. Azərbaycan təmsilçisində Kristian Nvaçukvu 38-ci, Umarali Raxmonaliyev 74-cü, Tellur Mütəllimov 90+4-cü dəqiqədə adını taploya yazdırıb.

Rumıniyada baş tutan ilk görüşdə rəqib 2:1 hesabı ilə qalib gəldiyi üçün əlavə vaxta ehtiyac duyulub.

Əlavə vaxtın 101-ci dəqiqəsində Patrik Orfe Mbina dördüncü qola imza atıb. Son nöqtəni isə 115-ci dəqiqədə Coy Lens Mikels vurub - 6:4.

Beləliklə, "Sabah" tarixində ilk dəfə UEFA Çempionlar Liqasının əsas mərhələsinə vəsiqə qazanıb.

***

20:51

UEFA Çempionlar Liqasının pley-off mərhələsində “Sabah” və İsrailin “Hapoel” (Beer-Şeva) komandaları arasında cavab oyunu başlayıb.

BİRBAŞA

Tofiq Bəhramov adına Respublika Stadionunda təşkil edilən görüş saat 20:45-də start götürüb.

Qarşılaşmanı rumıniyalı FIFA referisi İştvan Kovaç idarə edir.

Qeyd edək ki, səfərdə baş tutan ilk oyunda “Sabah” “Hapoel”ə 1:2 hesabı ilə məğlub olub.

***

11:19

Bu gün Azərbaycanın "Sabah" komandası Çempionlar Liqasının seçmə mərhələsinin pley-off mərhələsinin ikinci oyununu keçirəcək.

Valdas Dambrauskasın komandası İsrailin "Hapoel Beer Şeva" komandasını qəbul edəcək.

Saat 20:45

"Sabah" (Azərbaycan) - "Hapoel Beer Şeva" (İsrail)

Bakı, Tofik Bəhramov stadionu. Hakim: İstvan Kovaç (Rumıniya). İlk oyun: 1-2.

"Sabah" (ehtimal olunan heyət): Stas Pokatilov, Stiv Solvay, Rəhman Daşdəmirov, Akim Zedadka, Timoteuş Puhaç, İvan Lepinisa, Umarali Rahmonəliyev, Aleksey İsayev, Veljko Simiç, Coy-Lans Mikkels, Orfe Mbina.

Baş məşqçi: Valdas Dambrauskas.

Hapoel (ehtimal olunan heyət): Ofir Marciano, Miguel Vitor, Itay Rotman, Guy Mizrachi, Pedro Amador, Niv Yehoshua, Lukas Ventura, Eliel Peretz, Jayvon East, Amir Ganach, Igor Zlatanović.

Baş məşqçi: Ran Kojuh.

Bu oyunun qalibi Çempionlar Liqasına, məğlub olan isə Avropa Liqasına vəsiqə qazanacaq.