ANSTV
ANSÇM
Gürcüstanda yenə Azərbaycan yükdaşıyanlarını incidirlər
Azərbaycan yük maşınlarının saxlanılması ilə bağlı Gürcüstana diplomatik nota göndərib
1 dəqiqə
Azərbaycan yük maşınlarının saxlanılması ilə bağlı Gürcüstana diplomatik nota göndərib.
Report xəbər agentliyinin Gürcüstan bürosunun məlumatına görə, bir qrup Azərbaycan sürücüsü bir neçə həftədir ki, Gürcüstandan tranzit keçərkən gömrükdən keçə bilmir. Sarp və Qırmızı Körpü keçid məntəqələrində, eləcə də Tbilisidəki Gömrük Rəsmiləşdirmə Mərkəzində gecikmələr qeydə alınıb.
Sürücülərin sözlərinə görə, Gürcüstan gömrük orqanları sənədləri müsadirə edir, uzun yoxlamalar aparır və gecikmələrin səbəblərini izah etmir. Bəzi yük maşını sürücüləri bir aydan çoxdur ki, rəsmiləşdirmə üçün gözləyirlər.
Sürücülər həmçinin iddia edirlər ki, bütün lazımi sənədləri təqdim etdikdən sonra Gürcüstan tərəfi oxşar yüklərin əvvəllər Gürcüstandan heç bir problem olmadan keçməsinə baxmayaraq, onların gürcü dilinə tərcüməsini tələb etməyə başlayıb.
Gürcüstandakı Azərbaycan səfirliyi vəziyyətin nəzarət altında olduğunu bildirib. Diplomatik nümayəndəlik Gürcüstan Xarici İşlər Nazirliyinə diplomatik nota göndərib və məsələ müvafiq dövlət qurumları ilə birgə həll olunur.
