ANSTV
ANSÇM
İsrail Təbriz ətrafında hərbi bazalara zərbələri davam edir
Bu barədə İranın “Mehr” xəbər agentliyi məlumat yayıb YENİLƏNİB/FOTO
1 dəqiqə
16:50
Təbriz hava limanından son görüntü.
İsrail Təbriz ətrafındakı hərbi bazalara zərbələri davam edir. Fotoda SEPAH-ın Təbriz yaxınlıqdakı raket bazası yanır.
Təbrizdə raket yanacağı anbarının vurulduğu bildirilir.
İran mediası Tehranın Merhab və İmam Xomeyni hava limanlarının atəşə tutulması ilə bağlı xəbərlər yayıb.
***
14:43
İsrail mətbuatı rəsmi Tel-Əvivin İrana qarşı hücumlarının yeni dalğası barədə məlumat yayıb.
İsrailin Təbriz şəhərinə endirdiyi zərbələr nəticəsində azı 5 mülki şəxs ölüb, 12 mülki şəxs yaralanıb.
Bu barədə İsrailin 12-ci kanalına istinadən xəbər verir.
İran Hərbi Hava Qüvvələrinin Təbrizdəki aviabazasına, İran İnqilabı Keşikçiləri Korpusunun Şirazdakı raket zavoduna, Borucerddəki raket və hərbi texnika anbarına zərbələr endirilib.
***
14:03
İranın Təbriz şəhərinin ətrafında yenidən partlayış səsləri eşidilib.
Bu barədə İranın “Mehr” xəbər agentliyi məlumat yayıb.
Qeyd olunub ki, İsrail Təbriz aeroportuna zərbə endirib.
