Kremldə Putinlə Uitkoff arasında görüş keçirilib

Moskvada Rusiya Prezidenti Vladimir Putin ilə ABŞ Prezidentinin xüsusi elçisi Stiv Uitkoff və sahibkar Cared Kuşner arasında görüş olub.

Məlumata görə, tərəflər arasında danışıqlar 3,5 saatdan çox davam edib.

Rusiya tərəfindən danışıqlarda həmçinin prezidentin köməkçisi Yuri Uşakov və Rusiya Prezidentinin xüsusi nümayəndəsi Kiril Dmitriyev iştirak edirlər.

Bundan əvvəl Putin bildirmişdi ki, Amerika lideri Donald Trampın nümayəndələri ilə Rusiya-Ukrayna müharibəsinin başa çatması imkanlarını, həmçinin ABŞ-də dondurulmuş Rusiya aktivlərindən 1 milyard dolların Qəzza üzrə Sülh Şurasına yönəldilməsi imkanını müzakirə edəcək.

Rusiya Prezidentinin köməkçisi Yuri Uşakovun sözlərinə görə, Rusiya–ABŞ məsləhətləşmələri son dərəcə konstruktiv və açıq mühitdə keçib.

Uşakov bildirib ki, Vladimir Putinin ABŞ Prezidentinin xüsusi nümayəndəsi Steven Uitkoff və iş adamı Cared Kuşnerlə təmasları məzmunlu və konstruktiv olub. Onun sözlərinə görə, danışıqlar açıq və etimadlı xarakter daşıyıb.

Uşakov qeyd edib ki, görüşdə ABŞ Ümumi Xidmətlər Administrasiyasının Federal Satınalmalar Xidmətinin komissarı Joşua Qruenbaum da iştirak edib. O, Ağ Evin baş müşaviri və iqtisadi məsələlər üzrə mütəxəssisdir və ilk dəfə Amerika nümayəndə heyətinə qoşulub.

Onun sözlərinə görə, görüşün əsas məqsədlərindən biri amerikalıların ukraynalılar və Avropa tərəfdaşları ilə təmaslarının nəticələri barədə məlumat almaq və bundan sonra iki ölkə tərəfindən gələcək fəaliyyət istiqamətlərini razılaşdırmaq olub.

Uşakov qeyd edib ki, bu istiqamətdə növbəti addım artıq razılaşdırılıb.

Rusiya Prezidentinin köməkçisi həmçinin bildirib ki, Rusiya və ABŞ yanvarın 23-də Abu Dhabidə təhlükəsizlik məsələləri üzrə Ukraine nümayəndələrinin iştirakı ilə üçtərəfli işçi qrupunun ilk iclasını keçirməyə razılaşıb.

Onun sözlərinə görə, Əbu-Dabidə təhlükəsizlik məsələləri üzrə üçtərəfli danışıqlarda Rusiya nümayəndə heyətinə Rusiya Silahlı Qüvvələri Baş Qərargahının Baş İdarəsinin rəisi, admiral Kostyukov rəhbərlik edəcək. Nümayəndə heyətinin tərkibinə Rusiya Müdafiə Nazirliyinin yüksək vəzifəli nümayəndələri də daxil edilib.

Qeyd edək ki, bu görüşdən bir neçə saat əvvəl Tramp İsveçrənin Davos şəhərində Ukrayna lideri Volodimir Zelenski ilə görüşüb. Daha sonra o, baş tutan bir saatlıq söhbəti yaxşı adlandırıb və qeyd edib ki, bütün tərəflər sülhdə maraqlıdır.