Kubanın ABŞ-dakı səfirliyinə hücum olub
Bu, 2020-ci ildən bəri Kubanın ABŞ-dakı diplomatik missiyasına ikinci hücumdur
![Kubanın ABŞ-dakı səfirliyinə hücum olub](/uploads/images/2023/09/rs/image_750x_65111ff6e9474-750-1080-resize.webp)
Bazar günü naməlum şəxs Kubanın Vaşinqtondakı səfirliyinə iki “molotov kokteyl”i atıb.
Bu barədə Kubanın xarici işlər naziri Bruno Rodriqes Parrilla “X” sosial hesabında yazıb.
“Kubanın ABŞ-dakı səfirliyi iki “molotov kokteyl”i atan şəxs tərəfindən törədilən terror aktının hədəfinə çevrilib. Diplomatik missiyanın əməkdaşları arasında itki yoxdur", - deyə nazir bildirib.
Diplomat qeyd edib ki, bu, 2020-ci ildən bəri Kubanın ABŞ-dakı diplomatik missiyasına ikinci hücumdur.