ANSTV
ANSÇM
Mayk Tayson uduzdu VİDEO / YENİLƏNİB
60 yaşlı Tayson 8 raundda ayaq üstündə qalmağı bacarıb
1 dəqiqə
12:14
Tanınmış bloger Ceyk Pola məğlub olan dünya boksunun əfsanəsi Mayk Tayson karyerasını davam etdirmək niyyətindədir.
“Dəmir Mayk” məğlubiyyətdən sonra karyerasını bitirməyi planlaşdırmadığını açıqlayıb.
Sabiq mütləq dünya çempionu 27 yaşlı rəqibi ilə döyüşün onun üçün sonuncu olmadığını vurğulayıb:
"Belə olmasına təəccüblənmədim. Heç kimə heç nə sübut etməyə çalışmadım. Sadəcə, döyüşü keçirə bildiyimə görə şadam. Pol yaxşı idmançıdır. Bu, karyeranın sonu deməkdir? Vəziyyətdən asılıdır. Düşünmürəm ki, bu, mənim son döyüşümdür".
Qeyd edək ki, Mayk Tayson ABŞ-ın Arlinqton şəhərindəki AT&T arenada keçirilən 8 raunddan ibarət döyüşdə rəqibinə hakimlərin yekdil qərarı ilə məğlub olub - 73:79.
***
09:46
Amerikalı videobloger Ceyk Pol və əfsanəvi boksçu Mayk Tayson arasında döyüş keçirilib.
Döyüş açıqlandığı vaxtdan daha gec başlayıb.
60 yaşlı Tayson 8 raundda ayaq üstündə qalmağı bacarsa da, qarşılaşma Ceyk Polun qələbəsi ilə başa çatıb - 79:73.
Qeyd edək ki, Tayson çəki mərasimində daha ağır gəlib. O, 103,41 kq, Pol isə 102,96 kq olub.
