"Neftçi" həbs olunan azarkeşlərlə bağlı açıqlama yaydı

“Neftçi” - “Qarabağ” matçından sonra 4 nəfər azarkeş məğlubiyyətə etiraz etmək məqsədilə “Neftçi” PFK-nın İnzibati binasının ərazisind hücum etmişdi

Oxuma müddəti:

1 dəqiqədən az

“Neftçi” cəzalandırılan azarkeşləri barədə məlumat yayıb.

Klub bu məsələ ilə bağlı hər hansı quruma şikayət etmədiyini bildirib: "Premyer Liqanın 25-ci turu çərçivəsində keçirilən “Neftçi” - “Qarabağ” matçından sonra dörd nəfər azarkeş məğlubiyyətə etiraz etmək məqsədilə “Neftçi” PFK-nın İnzibati binasının ərazisində pirotexniki vasitələrdən istifadə edərək asayişi pozub. Bildirmək istərdik ki, baş verən hadisə ilə bağlı “Neftçi” PFK heç bir şikayət bildirməmişdir.

Hüquq mühafizə orqanları qanunvericiliyin tələblərinə əsasən həmin şəxsləri məsuliyyətə cəlb etmişdir".

Xatırladaq ki, məhkəmənin qərarı ilə “Neftçi” azarkeşi olan A.Dadaşov 30, C.Quliyev 15 sutka inzibati qaydada həbs olunublar, digər 2 azarkeş isə cərimə edilib.