Niyə Türkiyəyə olmaz, Ermənistana isə olar?

Bu ritorik sualı xarici siyasət üzrə ekspert Brenda Şaffer Ermənistanla Fransanın hərbi sövdələşməsi barədə verib

Oxuma müddəti:

1 dəqiqədən az

ABŞ Hərbi Dəniz Qüvvələrinin Aspirantura Məktəbinin professoru və xarici siyasət üzrə ekspert Brenda Şaffer Ermənistanla Fransa arasında müdafiə sazişinin bağlanmasından hiddətlənib. Müqaviləyə əsasən, İrəvan Parisdən hava hücumundan müdafiə sistemləri ala bilər.

Onun sözlərinə görə, Qərbin bu mövqeyi onun əvvəlki hərəkətləri ilə uyğun gəlmir, xüsusən də ABŞ Rusiyadan S-400 aldığına görə Türkiyəyə sanksiyalar tətbiq edərkən.

“NATO üzvləri Türkiyənin Rusiyadan S-400 hava hücumundan müdafiə sistemini almasından və ABŞ-ın Türkiyəyə qarşı sanksiyalar tətbiq etməsindən hiddətləndiklərini bildiriblər. Lakin NATO və Vaşinqton Rusiyanın müdafiə alyansı olan KTMT-nin üzvü olan Ermənistanın hava hücumundan müdafiə sistemini NATO üzvü olan Fransanın satmasına etiraz etmir”.