Pezeşkian bahalı səyahətə görə məmuru işdən çıxardı

İran Prezidenti Məsud Pezeşkian köməkçisi Şəhram Dəbirini lüks səyahətə getdiyi üçün vəzifəsindən azad edib.

Məlumatı “Mehr" agentliyi yayıb.

Prezidentin fərmanının mətni belədir: "Hörmətli doktor Dəbiri, xəbərlə tanış olduqdan sonra Novruz bayramında Antarktidaya istirahət səfərində olduğunuz təsdiqləndi. Dindarlardan nümunə götürməklə öyünən bir hökumətdə, xalqa qarşı iqtisadi təzyiqlərin hələ də yüksək olduğu və məhrumiyyətlərin çox olduğu bir şəraitdə ölkəmizdə məmurların, hətta şəxsi hesabına da olsa, bahalı istirahət səfərləri nə müdafiə oluna, nə də haqq qazandırır, məmurların sadə həyat səviyyəsinə uyğun gəlmir.

Sizin 14-cü hökumətin deputatı vəzifəsində uzun illər davam edən dostluğunuz, əməkdaşlığınız, dəyərli xidmətləriniz dürüstlüyə, ədalətə, xalqa verdiyimiz vədlərə sadiqliyi hər şeydən üstün tutmağa mane olmur. Ona görə də 14-cü hökumətdə sizinlə əməkdaşlığı davam etdirməyimizə təəssüflənirik".

Qeyd edək ki, Şəhram Dəbirinin bayram tətilində Antarktidaya bahalı səyahətə getdiyi və orada əylənməsinə dair mediada məlumatlar yayılıb. O, dövlətin deyil, öz maliyyə vəsaiti hesabına səyahətə çıxdığını bildirsə də, ancaq bu, qarşı tərəfi qane etməyib.