ANSTV
ANSÇM
Rusiya Almaniyanın Sankt-Peterburqdakı konsulluğunu bağlayır
Bu barədə Rusiya Xarici İşlər Nazirliyi məlumat yayıb
1 dəqiqə
"Almaniya tərəfinin sentyabrın 7-də Bonndakı Rusiya Baş Konsulluğunu və Berlindəki Rusiya Elm və Mədəniyyət Evini bağlamaqda etdiyi qeyri-dost hərəkətləri ilə əlaqədar olaraq, Almaniya Federativ Respublikasının Rusiya Federasiyasındakı müvəqqəti işlər vəkili aşağıdakı cavab tədbirlərinin görüldüyünü elan edib.
Rusiya Almaniyanın Sankt-Peterburqdakı Baş konsulluğunu bağlamaq və Höte mərkəzlərinin əməkdaşlarını ölkədən çıxarmaq qərarına gəlib".
Bu barədə Rusiya Xarici İşlər Nazirliyi məlumat yayıb.
XİN Sankt-Peterburqdakı alman diplomatlarının sentyabrın 18-dək Rusiyanı tərk etmələrini tələb edib.
Höte mərkəzlərinin əməkdaşları isə sentyabrın 13-dək Rusiyanı tərk etməlidirlər.
“Rusiya Federasiyası və Almaniya Federativ Respublikası arasındakı münasibətlərdə yeni bir eskalasiyanın nəticələrinə görə məsuliyyət tamamilə Berlinin üzərinə düşür”, - Rusiya XİN-in məlumatında deyilir.
