Təyyarədə texniki nasazlıq olmayıb

Bunu jurnalistlərə açıqlamasında AZAL-ın prezidenti Samir Rzayev deyib

Oxuma müddəti:

1 dəqiqədən az

Ekipaj üzvlərinin peşəkarlığı nəticəsində 29 sərnişin sağ qalıb.

Pilotlarımız peşəkar olub, onların 10 min saatdan çox uçuş ediblər.

Bunu jurnalistlərə açıqlamasında AZAL-ın prezidenti Samir Rzayev deyib.

“Təyyarə oktyabr ayında tam təmirdən çıxıb. Texniki nasazlıq olmayıb”, - Samir Rzayev bildirib.

Qeyd edək ki, 25 dekabr tarixində “Azərbaycan Hava Yolları” aviaşirkətinə məxsus J2-8243 nömrəli Bakı-Qroznı reysini yerinə yetirən “Embraer 190” təyyarəsi təcili eniş zərurəti ilə bağlı Aktau şəhəri istiqamətinə yön alaraq, Aktau şəhəri yaxınlığında qəzaya uğrayıb. Təyyarədə 5 ekipaj üzvü və 62 sərnişin olmaqla, ümumilikdə 67 nəfər olub. Qəza nəticəsində 38 nəfər həyatını itirib, 29 nəfər sağ qalıb.

Qəzanın səbəbləri araşdırılır.